Rejtynh najlepšych haradoŭ śvietu — 2026. Na jakim miescy Minsk?
Ad inviestycyj u kulturu da pieradavych technałohij: Hłabalny indeks haradoŭ 2026 hoda pakazvaje, što mienavita robić viadučyja harady śvietu takimi pryvabnymi dla žyćcia i padarožžaŭ.
Što dapamahaje horadu vyłučacca na suśvietnaj arenie i što robić jaho vydatnym miescam dla naviedvańnia? Zhodna z Hłabalnym indeksam haradoŭ 2026 hoda ad Oxford Economics, adkaz vychodzić daloka za miežy ekanamičnaha raźvićcia ci pryhožaj architektury.
Indeks aceńvaje 1000 haradoŭ pa piaci pakazčykach: kiravańnie, ekanomika, čałaviečy kapitał, navakolnaje asiarodździe i jakaść žyćcia.
Sioleta pieršyja miescy ŭ rejtynhu zaniali Ńju-Jork, Łondan i Paryž. Vysokija pazicyi taksama zaniali takija harady, jak Sietł i Dublin.
Minsk zaniaŭ 604‑ie miesca ŭ rejtynhu z tysiačy haradoŭ pa sukupnaści paramietraŭ. Pryčym pa ekanamičnych pakazčykach Minsk tolki 904-y, na jakaści žyćcia na 173-m, na čałaviečym kapitale — 772-y.
Praha — na 51‑m miescy pa sukupnaści faktaraŭ, Varšava na 61‑m miescy, Talin — 207-y, Vilnia — 264-ja, Ryha — 351-ja, Kijeŭ na 304‑m miescy.
Top-10 haradoŭ śvietu ŭ 2026 hodzie pavodle Global Cities Index 2026
- Ńju-Jork, ZŠA
- Łondan, Vialikaja Brytanija
- Paryž, Francyja
- Sietł, ZŠA
- San-Francyska, ZŠA
- Dublin, Irłandyja
- Bostan, ZŠA
- San-Chase, ZŠA
- Tokia, Japonija
- Ciurych, Šviejcaryja