Renthien-łabarantku z 38‑hadovym miedycynskim stažam adpravili ŭ kałoniju za palityku
60‑hadovuju Žannu Jaskułd sudzili za «zakliki da sankcyj» i «sadziejničańnie ekstremisckaj dziejnaści».
Žanna Jaskułd. Fota: dimeda.by
Žanna Jaskułd naradziłasia ŭ 1966 hodzie. Usio žyćcio jana adpracavała ŭ miedycynie. U 1987 hodzie skončyła Minskaje miedycynskaje vučylišča №2, vyvučyłasia na fielčarku. Paśla prajšła pierapadrychtoŭku na renthien-łabarantku, śpiecyjalizavałasia na stamatałohii.
Žanna Jaskułd pracavała ŭ staličnym miedycynskim centry «Dymieda».
Zarehistravanaja jana była ŭ Marjinaj Horcy, tamu i sudzili jaje ŭ Minskim abłasnym sudzie.
Abvinavačvali pa dvuch palityčnych artykułach — «sadziejničańnie ekstremisckaj dziejnaści» (č. 1 art. 361‑4 KK) i «zakliki da sankcyj» (č. 3. art. 361 KK). Pa bolš ciažkim ź ich miedyku pahražała ad 4 da 12 hadoŭ kałonii. Dakładny prysudžany termin nieviadomy.
Žanna Jaskułd zastajecca za kratami.