U Minsku pastaviać dziasiatki kantejnieraŭ dla zboru adzieńnia i abutku
Kantejniery ŭ pačatku kastryčnika źjaviacca ŭ Maskoŭskim i Frunzienskim rajonach horada.
U stalicy ŭstalujuć 50 kantejnieraŭ dla zboru tekstylu. Pra heta piša BiełTA sa spasyłkaj na Minskuju haradskuju žyllovuju haspadarku.
Kantejniery ŭ pačatku kastryčnika źjaviacca ŭ Maskoŭskim i Frunzienskim rajonach horada.
U ich možna budzie pakinuć niepatrebnyja pradmiety harderoba abo abutak.
Hałoŭnaja ŭmova: rečy treba papiarednie spakavać u pakiet.
Sabrany tekstyl buduć nakiroŭvać na sartavańnie, a zatym — na dalejšuju pierapracoŭku.
Pryčym kantejniery źjaviacca nie na dziejučych placoŭkach, a asobna, u miescach z dobraj prachodnaściu. Tak raźličvajuć źnizić vierahodnaść traplańnia starońniaha śmiećcia.
U Minskaj haradskoj žyllovaj haspadarcy ličać, što novy prajekt dapamoža žycharam stalicy zručna zdavać niepatrebnaje adzieńnie i abutak, skaračać kolkaść adchodaŭ i bolš bieražliva stavicca da resursaŭ.