U Minsku pastaviać 5 tysiač zaradnych stancyj dla elektramabilaŭ
U Minsku da 2030 hoda płanujuć pavialičyć kolkaść zaradnych stancyj dla elektramabilaŭ bolš čym da 5 tysiač. Kancepcyju raźvićcia zaradnaj infrastruktury ŭ stalicy razhledzieli na pasiadžeńni Minskaha haradskoha savieta.
Zdymak ilustracyjny. Fota: Zaryadka
Pa stanie na 1 lipienia 2026 hoda ŭ Minsku było kala 1,3 tysiačy zaradnych stancyj i bolš za 30 tysiač elektramabilaŭ.
Zhodna z kancepcyjaj, stancyi mahutnaściu da 44 kVt, na jakich poŭnaja zaradka zajmaje ad dźviuch da vaśmi hadzin, buduć pieravažna raźmiaščać tam, dzie elektramabili stajać praciahły čas. Heta žyłyja mikrarajony, terytoryi kala hatelaŭ, ofisnych i inšych hramadskich budynkaŭ.
Chutkija stancyi mahutnaściu da 170 kVt, jakija dazvalajuć zaradzić aŭtamabil za 30 chvilin — dźvie hadziny, płanujuć stavić kala bujnych transpartnych vuzłoŭ ź intensiŭnym rucham, na aŭtazapravačnych stancyjach, kala handlovych centraŭ i na pierachopnych parkoŭkach.
Taksama ŭ horadzie buduć źjaŭlacca zvyšchutkija stancyi mahutnaściu bolš za 170 kVt. Jany zmohuć zaradžać elektramabil prykładna za 10—20 chvilin.
Čytajcie taksama:
U Minsku adkryli zaradny dyskaŭntar dla elektramabilaŭ
Minskija ŭłady raskazali, jak buduć zmahacca z «akijanam aŭtamabilaŭ» u dvarach
La MKAD adkryli bujny chab dla zaradki elektramabilaŭ
Biełaruś lidziruje na postsavieckaj prastory pa kolkaści elektramabilaŭ na dušu nasielnictva