Vasil Chamutoŭski ciapier pracuje trenieram u kłubie «Dynama-BDUFK»

Były bramnik zbornaj Biełarusi Vasil Chamutoŭski, jaki ŭ 2022 hodzie byŭ asudžany na 2 hady «chatniaj chimii» pa artykule 342 KK («Aktyŭny ŭdzieł u hrupavych dziejańniach, jakija hruba parušajuć hramadski paradak»), ciapier pracuje ŭ struktury minskaha «Dynama».

Vasil Chamutoŭski

Chamutoŭski źjaŭlajecca trenieram farm-kłuba asnoŭnaj kamandy — kłuba «Dynama-BDUFK», jaki ciapier hulaje ŭ pieršaj lizie čempijanatu Biełarusi. Vasil treniruje tam bramnikaŭ.

Dniami jon daŭ intervju spartyŭnamu vydańniu betting.team, u jakim paraŭnaŭ dvuch biełaruskich bramnikaŭ — Fiodara Łapavuchava i Paŭła Paŭlučenku. Na jaho dumku, ciapier mienavita pazicyja bramnika źjaŭlajecca adnoj z samych mocnych u nacyjanalnaj zbornaj, bo abodva hałkipiery pretendujuć na rolu asnoŭnaha.

Paśla vybaraŭ 2020 hoda Vasil Chamutoŭski razam ź inšymi spartsmienami asudziŭ hvałt i na peŭny čas źjechaŭ z krainy. Siarod inšaha pracavaŭ va Ukrainie razam ź inšym biełaruskim trenieram Aleham Dułubam.

Zatrymali byłoha bramnika 30 vieraśnia 2022 hoda paśla taho, jak jon pryjechaŭ u Biełaruś na lačeńnie. Spačatku jon atrymaŭ 13 sutak administracyjnaha aryštu za pierasyłku materyjałaŭ z telehram-kanała, pryznanaha ŭ Biełarusi ekstremisckim, a potym byŭ pierazatrymany ŭžo pa kryminalnaj spravie. Prysud jamu vynieśli ŭ kancy śniežnia. 

Kamientary da artykuła