Pamior były napadajučy minskaha «Dynama» i futbolny trenier Rusłan Łukin. Pra heta paviedamiła pres-słužba futbolnaha kłuba «Vilija» ź Vilejki. Jamu było ŭsiaho 54 hady.
Rusłan Łukin naradziŭsia i vyras u stalicy Azierbajdžana Baku, ź dziacinstva padajučy vialikija nadziei. Jon vystupaŭ za junackuju, junijorskuju i moładzievuju zbornyja SSSR, u składzie junackaj kamandy da 18 hadoŭ u 1990 hodzie staŭ čempijonam Jeŭropy. U 1992‑1993 hadach zhulaŭ try matčy i za zbornuju niezaležnaha Azierbajdžana, zabiŭšy dva hały.
U pačatku 1990‑ch hadoŭ Łukin hulaŭ za minskaje «Dynama». Akramia taho, jon vystupaŭ za «Maładziečna», azierbajdžanski «Nieftčy», salihorski «Šachcior», izrailski «Chapael» ź Bieer-Ševy i inšyja kłuby.
Paśla zaviaršeńnia karjery futbalista Łukin pracavaŭ trenieram. Jon uznačalvaŭ «Maładziečna», niacvižski «Vieras», «Asipovičy» i šerah inšych biełaruskich futbolnych kłubaŭ.
U futbolnym kłubie «Vilija» Łukin pracavaŭ staršym trenieram u 2024—2025 hadach. U kłubie adznačyli, što jon pieradavaŭ kamandzie nie tolki svoj vopyt, ale i dušu, i vykazali spačuvańni jaho rodnym i blizkim.
Kamientary