Sabalenka pamierałasia bryljantavymi piarścionkami z žonkaj Kryšcijanu Ranałdu

Biełaruskaja tenisistka, druhaja rakietka śvietu Aryna Sabalenka pabyvała na Tydni mody ŭ Miłanie, dzie pradstaŭlała Gucci i sustrakałasia z suśvietnymi znakamitaściami. Na adnym z pakazaŭ jana siadzieła pobač z Džardžynaj Radryhies — žonkaj partuhalskaha futbalista Kryšcijanu Ranałdu, a taksama amierykanskaj repierkaj Kardzi Bi.

Sabalenka i Radryhies pahutaryli i za kulisami. U niejki momant jany pačali pakazvać adna adnoj svaje piarścionki i razhladać upryhožańni.

Džardžyna vyjšła zamuž za Ranałdu ŭ žniŭni. Jašče da viasiella futbalist padaryŭ joj zaručalny piarścionak. Raniej paviedamlałasia, što bryljant u im moža važyć nie mienš za 22 karaty, a košt upryhažeńnia aceńvajecca prykładna ŭ 3—5 miljonaŭ dalaraŭ.

Piarścionak Sabalenki taksama ličycca vielmi darahim. Pavodle acenak, jaho košt moža składać ad 500 da 800 tysiač dalaraŭ.

Padčas hetaha mierapryjemstva ŭ Miłanie Aryna Sabalenka i sama vychodziła na podyum Vogue World.

Kamientary da artykuła