Piacihadovaje dzicia možna adpravić rejsam «Biełavija» biez darosłych

Akazvajecca, piacihadovaje dzicia moža samastojna lacieć rejsam Belavia biez supravadžeńnia darosłych. Adnak dla hetaha nieabchodna aformić śpiecyjalnuju pasłuhu supravadžeńnia ŭ avijakampanii, piša pres-słužba «Biełavija».

Fota: «Biełavija»

Dla dziaciej ad 5 da 11 hadoŭ uklučna takaja pasłuha abaviazkovaja, kali jany laciać biez darosłych. Dla padletkaŭ ad 12 da 15 hadoŭ jana afarmlajecca pa žadańni baćkoŭ.

Supracoŭniki avijakampanii sustrakajuć dzicia ŭ aeraporcie, dapamahajuć jamu prajści rehistracyju i ŭsie nieabchodnyja pieradpalotnyja pracedury, paśla čaho supravadžajuć na bort samalota i sočać za im padčas palotu.

U samalocie dzicia atrymlivaje asobnaje miesca. Bahaž pieravozicca ŭ adpaviednaści z praviłami abranaha kłasa absłuhoŭvańnia.

Kab aformić takuju pieravozku, nieabchodna źviarnucca ŭ ofis prodažaŭ Belavia, zapoŭnić śpiecyjalnyja dakumienty, apłacić košt avijapieralotu i dadatkovy zbor za pasłuhu supravadžeńnia.

Kamientary da artykuła