«Biełavija» kupiła try «Boinhi». Jany prylacieli z samaj małoj krainy Afryki
Sioleta «Biełavija» nabyła try novyja siaredniemahistralnyja samaloty Boeing 737-800.
Dla avijakampanii hetyja samaloty nie novyja: u ajčynnym avijaparku i raniej było niekalki pavietranych sudnaŭ takoha typu, jakija vykonvajuć rejsy na blizkija i siarednija adlehłaści, piša Times.by.
«Pašyreńnie avijaparka dazvalaje pavialičyć pieravozačnyja mahčymaści avijakampanii, jašče bolš dynamična raźvivać maršrutnuju sietku, zabiaśpiečvać dadatkovuju hnutkaść pry farmiravańni raskładu», — adznačyŭ hienieralny dyrektar «Biełavija» Ihar Čarhiniec.
Usie hetyja samaloty ŭžo ŭviedzieny ŭ ekspłuatacyju, ich ukaranieńnie ŭ vytvorčy praces adbyvałasia paetapna. Ciapier pavietranyja sudny vykarystoŭvajucca na najbolš zapatrabavanych rehularnych i čartarnych maršrutach.
Upieršyniu spotary źviarnuli ŭvahu na mahčymaje papaŭnieńnie avijaparka «Biełavija» na pačatku hetaha leta. Avijacyjnyja resursy paviedamlali, što samaloty prybyli ŭ Minsk z Hambii i majuć uzrost 12—13 hadoŭ.
Dla Boeing 737‑800 taki ŭzrost ličycca całkam pracoŭnym: padobnyja łajniery aktyŭna ekspłuatujucca avijakampanijami pa ŭsim śviecie.
U minskim handlovym centry Palazzo sabrałasia daŭžeznaja čarha. Pa darmovych miadźviedzikaŭ!5
Kamientary