U biełaruskaj VNU studentaŭ abaviazali nasić źmienny abutak
U hałoŭnym korpusie Biełaruskaj dziaržaŭnaj akademii muzyki paśla kapitalnaha ramontu adnavili patrabavańnie nasić źmienny abutak. Jano raspaŭsiudžvajecca na ŭsich — ad studentaŭ da rektara, paviedamlaje ANT.
Praviła dziejničaje ŭ vučebnym korpusie № 1 i zamacavana ŭ praviłach unutranaha rasparadku dla navučencaŭ.
«Pry znachodžańni ŭ vučebnym korpusie № 1 pa vulicy Internacyjanalnaj, 30 nieabchodna vykarystoŭvać źmienny abutak abo bachiły», — pracytavała dakumient rektar Akademii muzyki Alena Kurakina.
Pavodle jaje, dekanaty zakupili bachiły dla studentaŭ, jakija nie prynieśli źmienny abutak.
Patrabavańnie tłumačać nieabchodnaściu zachavać pamiaškańni paśla ramontu.