Tramp zajaviŭ, što paprasiŭ Zialenskaha źmienšyć ataki na NPZ u Rasii
Pavodle jaho słoŭ, toj pahadziŭsia.
Uładzimir Zialenski i Donald Tramp padčas Hienasamblei AAN u Ńju-Jorku. 22 vieraśnia 2026 hoda. Fota: Chip Somodevilla/Getty Images
Prezident ZŠA padčas razmovy z žurnalistami adznačyŭ, što rost koštaŭ na enierhanośbity vyklikany nie tolki prablemami na Blizkim Uschodzie.
«Heta chutčej prablema Rasii — Ukraina i Rasija vajujuć adna z adnoj. I Ukraina ŭzryvaje naftapierapracoŭčyja zavody ŭ Rasii, tamu što tam pierapracoŭvajecca šmat nafty», — zajaviŭ jon.
Pavodle słoŭ Trampa, jon abmierkavaŭ hetuju situacyju ź Zialenskim. «Ja skazaŭ jamu: «Vam treba pamienš atakavać naftapierapracoŭčyja zavody». Jon adkazaŭ: «Nu, napeŭna, tak i zrobim». Dobra».
Tramp adznačyŭ, što ataki na NPZ stvarajuć prablemy va ŭsim śviecie, i dadaŭ, što Zialenski moža atakavać «inšyja abjekty».