Načnaja pajezdka školnikaŭ na pitbajku ŭ Mahiloŭskim rajonie skončyłasia traŭmami
Transpartny srodak sutyknuŭsia z motabłokam.
U niadzielu kala 22:10 niepadalok ad vioski Papłaŭščyna 14‑hadovy padletak na pitbajku nie spraviŭsia z kiravańniem i sutyknuŭsia z motabłokam.
U vyniku avaryi kiroŭca pitbajka i jaho 12‑hadovy pasažyr z traŭmami byli dastaŭleny ŭ balnicu. Akramia taho, u momant avaryi apošni byŭ biez šlema, paviedamiła DAI Mahiloŭščyny.