«Chichańki-chachańki». Vyjšaŭ kalektyŭny zbornik śmiešnych tekstaŭ
U vydaviectvie Bukinist:ka Press vyjšaŭ kalektyŭny humarystyčny zbornik «Chichańki-chachańki», teksty jakoha byli napisanyja ŭ miežach piśmieńnickaj łabaratoryi, arhanizavanaj archivam «Raściažeńnie».
U knizie dakumientalnyja ese susiedničajuć z aŭta-fikšn zamaloŭkami, mahičnymi apoviedami i sučasnymi kazkami, piša bellit.info.
23 śviežyja teksty pra žyćcio tut i zaraz. Pad adnoj vokładkaj — novyja hałasy, užo znajomyja imiony i znakamityja aŭtarki.
«Kali płakać, to tolki ad žartaŭ! «Chichańki-chachańki» — heta zbornik śmiešnych fieminisckich tekstaŭ. <…> Vandroŭki, kachańnie, praca, mihracyja, siamiejnyja adnosiny, maciarynstva, seks — pryčyn paśmiajacca proćma. <…> Čulliva pracujučy z asabistym i kalektyŭnym dośviedam, aŭtar:ki pakazvajuć, dzie možna znajści asałodu ŭ žyćci. Razam hetyja nie padobnyja adzin da adnaho teksty stvarajuć mazaiku siońniašniaha dnia», — havorycca ŭ apisańni zbornika.
Kniha vyjšła ŭ dźviuch viersijach — na papiery i ŭ elektronnym farmacie. Drukavanaja kniha raspaŭsiudžvajecca za danat ad 10 jeŭra.
Usie hrošy za prodaž nakiroŭvajucca na apłatu kryzisnych psichałahičnych kansultacyj dla ludziej u Biełarusi.
Najbližejšym časam płanujucca prezientacyi zbornika «Chichańki-chachańki» ŭ Łodzi, Biełastoku, Batumi i Stakholmie.