Kniha Nasty Rahatko vyjšła pa-biełarusku

Eks-hałoŭnaja redaktarka Kyky.org i eks-kiraŭnica kamunikacyj ofisa Śviatłany Cichanoŭskaj Nasta Rahatko ŭ kancy minułaha hoda vydała knihu «Nasi z saboj» pra palityčnyja kułuary, adnosiny z byłymi i siońniašnimi. Ciapier na sajcie vydaviectva «Łohvinaŭ» źjaviłasia abviestka pra vychad biełaruskaj viersii hetaj knihi.

«U vas u rukach płejlist z dvanaccaci z pałovaj apaviadańniaŭ. Kamičnych, irvanych, emihranckich, šalonych, fieminnych — pisać ich stała majoj terapijaj, pošukam novych sensaŭ zamiest tych, što vyčarpali siabie», — piša ŭ anonsie knihi sama Nasta Rahatko.

Aryhinalnaje ruskamoŭnaje vydańnie znajšło svajho čytača i vyjšła dvuma nakładami kožny pa 1000 asobnikaŭ. Kniha vyklikała publičnyja dyskusii i pryniesła aŭtarcy dachod.

Biełaruskamoŭnaje vydańnie budzie kaštavać tańniej za ruskamoŭnaje — usiaho 8 jeŭra zamiest raniejšych 20-ci. Nabyć jaho možna ŭ tym liku praz sajt vydaŭca. 

Kamientary da artykuła