U Oršy na starym miescy malujuć novy murał z Karatkievičam FOTAFAKT
Sioleta ŭviesnu padčas ramontu doma №2 pa vulicy Marata ŭ Oršy byŭ źniščany murał, namalavany da 90‑hodździa Uładzimira Karatkieviča ŭ 2020 hodzie. Ciapier jaho adnaŭlajuć, zaŭvažyła «Viciebskaja viasna».
Tak budzie vyhladać novy murał
Tarcavaja ściana hetaha doma vychodzić na vulicu imia piśmieńnika, i mienavita na joj byŭ malunak, zrobleny aršanskim mastakom Dźmitryjem Tałkačovym. Potym jaho schavali pad termašubaj, i fakt źniknieńnia ŭ horadzie cikavostki, jakuju lubili i miascovyja, i turysty, vielmi aburyŭ hramadskaść.
Stary źniščany murał
Ciapier na tym samym miescy znoŭ budzie murał. Da 96‑ch uhodkaŭ piśmieńnika (26 listapada) jaho abiacaje skončyć mastačka Luboŭ Rabieka, jakaja supracoŭničaje z tvorčym abjadnańniem Shakola art. U hetym mastackim žanry jana pracuje tolki druhi hod.
Partret Uładzimira Karatkieviča budzie kalarovym i na fonie pryrody. Raniej na murale, aprača partreta, byli malunki samoha piśmieńnika i cytaty ź jahonych tvoraŭ. Radok «Byŭ. Jość. Budu» vyrašana pakinuć.
Čytajcie taksama:
U Oršy źnik murał z Uładzimiram Karatkievičam
U Oršy na žyłym domie namalavali vialiki partret Uładzimira Karatkieviča FOTAFAKT
U Hrodnie adkryli murał adnačasova da Dnia mašynabudaŭnika i Hoda biełaruskaj žančyny FOTAFAKT