Dom pajšoŭ pad renavacyju, murał nakryli ciepłaizalacyjaj.
Adna z hałoŭnych sučasnych słavutaściaŭ Oršy — maštabny murał, stvorany da 90-hodździa słavutaha ziemlaka Uładzimira Karatkieviča — źnik sa ściany doma №2 pa vulicy Marata. Partret piśmieńnika apynuŭsia pachavanym pad płastom ciepłaizalacyi, piša «Viciebskaja Viasna».
Murał byŭ stvorany miascovym mastakom Dźmitryjem Tałkačovym i ŭračysta adkryty ŭ listapadzie 2020 hoda da jubileju kłasika. Heta byŭ nie prosta partret: kampazicyja ŭklučała frahmienty rukapisaŭ Karatkieviča, jahonyja firmovyja malunki na palach i radki vierša «Orša», pryśviečanaha rodnamu horadu.
Miesca było abrana simvaličnaje — ściana doma vychodzić akurat na vulicu, jakaja nosić imia piśmieńnika.
Za karotki čas murał staŭ papularnym turystyčnym abjektam i punktam pryciahnieńnia dla amataraŭ biełaruskaj litaratury.
Ciapier dom pastavili na renavacyju: tut uciaplajuć ścieny, i partret Uładzimira Siamionaviča źnik pad nakładnymi budmateryjałami.
Ci budzie murał adnoŭleny, nieviadoma. Aficyjnych kamientaroŭ z hetaj nahody nie było.
Ciapier čytajuć
«Abo my ciabie zhvałcim, abo ty paholiš baradu razam z hałavoj». Łachvič raskazaŭ, što ź im adbyłosia27
«Abo my ciabie zhvałcim, abo ty paholiš baradu razam z hałavoj». Łachvič raskazaŭ, što ź im adbyłosia
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1111
Kamientary