Žančyna sprabavała patajemna pravieźci ŭ Biełaruś piać ekzatyčnych jaščarak
Bresckija mytniki spynili sprobu niezakonna ŭvieźci z Polščy ŭ Biełaruś piać ekzatyčnych jaščarak. Reptylij kanfiskavali i pieradali ŭ Minski zaapark, paviedamlaje Dziaržaŭny mytny kamitet.
Niezvyčajny bahaž naležaŭ 44‑hadovaj pasažyrcy aŭtobusa, jakaja jechała praz punkt propusku «Brest». Padčas prachodžańnia mytnaha kantrolu žančyna vybrała zialony kalidor i zajaviła, što tavaraŭ dla dekłaravańnia ŭ jaje niama.
Mytniki pravieryli jaje bahaž z dapamohaj renthienaŭskaj ustanoŭki. Atrymanyja zdymki pakazali, što nieabchodna pravieści bolš detalovy dahlad.
U vyniku ź pienapłastavaj skrynki dastali piać płastykavych kantejnieraŭ. U kožnym ź ich znachodziłasia pa adnoj jaščarcy — viejkavym bananajedzie (Correlophus ciliatus).
U dačynieńni da hramadzianki Rasii Bresckaja mytnia pačała administracyjny praces pavodle častki 2 artykuła 15.1 Kodeksa ab administracyjnych pravaparušeńniach Biełarusi.
Čytajcie taksama:
Biełarus schavaŭ 5 tysiač jeŭra ŭ pačak survetak i tak jechaŭ praź miažu
U Biełaruś z Polščy sprabavali ŭvieźci aŭtamabil sa źmienienym VIN
U Biełarusi zapuściać mabilny dadatak dla elektronnaj čarhi na miažy