U Rasii raźbiŭsia stratehičny bambardziroŭščyk Tu-95

U Amurskaj vobłaści Rasii raźbiŭsia samalot Tu-95MS. Pavodle papiarednich źviestak, zahinuli šeść členaŭ ekipaža, jašče adzin čałaviek atrymaŭ traŭmy i byŭ špitalizavany.

Avijakatastrofa adbyłasia ŭ rajonie vioski Krasnajanava. Usiaho na borcie znachodzilisia siem čałaviek. Adzin ź ich vyžyŭ, ale atrymaŭ traŭmy siaredniaj ciažkaści.

Paśla katastrofy na miescy zdareńnia ŭźnik pažar. Pažarnyja słužby zajmajucca jaho tušeńniem. Samalot naležaŭ avijahrupie «Ukrainka».

Pavodle papiaredniaj infarmacyi telehram-kanała «Baza», mahčymaj pryčynaj katastrofy vajskovaha Tu-95MS moh stać vybuch paliva na borcie. Abstaviny zdareńnia vyśviatlajucca.

Kamientary da artykuła