Sabalenka ŭvajšła ŭ Radu hulcoŭ turniraŭ «Vialikaha šlema»

Biełaruskaja tenisistka Aryna Sabalenka ŭvajšła ŭ skład Rady hulcoŭ turniraŭ «Vialikaha šlema». Hety orhan u žniŭni stvaryli spartsmieny i arhanizatary čatyroch najbujniejšych tenisnych turniraŭ — Australian Open, Roland Garros, Wimbledon i US Open.

Aryna Sabalenka. Fota: Robert Prange / Getty Images

U pieršy skład Rady ŭvajšli 12 tenisistaŭ — šeść žančyn i šeść mužčyn. Razam z Sabalenkaj u jaho składzie buduć Alena Rybakina z Kazachstana, Džesika Piehuła i Iva Jovič sa ZŠA, Elina Śvitolina z Ukrainy, Maryja Sakary z Hrecyi, a taksama Novak Džokavič ź Sierbii, Alaksandr Źvieraŭ z Hiermanii, Bien Šełtan sa ZŠA, Fieliks Aže-Aljasim z Kanady, Łarenca Muzeci ź Italii i Artur Rynderknieš z Francyi.

Stvareńnie Rady hulcoŭ było adnym z troch asnoŭnych patrabavańniaŭ tenisistaŭ da arhanizataraŭ turniraŭ «Vialikaha šlema». Akramia hetaha, hulcy vystupali za pavieličeńnie pryzavych vypłat i palapšeńnie sacyjalnych harantyj dla ŭdzielnikaŭ spabornictvaŭ.

Kamientary da artykuła