Łukašenka zaćvierdziŭ ekanamičnyja płany raźvićcia krainy na 2027 hod
Biełaruskija ŭłady raźličvajuć, što ŭ 2027 hodzie ekanomika vyraście na 1,9%, realnyja dachody nasielnictva — na 3%, a inflacyja nie pieravysić 6%. Alaksandr Łukašenka padpisaŭ adpaviednyja ŭkazy №342 i №343.
Fota: LookByMedia
Pavodle zaćvierdžanaha prahnozu, inviestycyi ŭ asnoŭny kapitał pavinny pavialičycca na 3,1%, a ekspart tavaraŭ i pasłuh — na 2,9%. Rost ekspartu płanujecca zabiaśpiečyć za košt supracoŭnictva z Kitajem, Rasijaj, krainami SND i tak zvanaj dalokaj duhi.
Urad pavinien na praciahu dvuch miesiacaŭ zaćvierdzić padrabiazny płan sacyjalna-ekanamičnaha raźvićcia na 2027 hod.
Asobnym ukazam pra hrašova-kredytnuju palityku ŭstanoŭlena, što mižnarodnyja reziervovyja aktyvy Biełarusi pavinny składać nie mienš za 12,8 miljarda dołaraŭ. Abjom inviestycyjnaha finansavańnia płanujecca pavialičyć jak minimum na 13%, a dola prablemnych bankaŭskich aktyvaŭ nie pavinna pieravysić 10%.
Łukašenka taksama ŭchvaliŭ pieradaču ŭ Pałatu pradstaŭnikoŭ prajektaŭ respublikanskaha biudžetu, źmienaŭ u Padatkovy kodeks i biudžetu Fondu sacyjalnaj abarony nasielnictva na 2027 hod.