Palitźniavolenaha Vadzima Zdaraviennava asudzili pa druhoj kryminalnaj spravie
Raniej mužčynu asudzili na dva hady kałonii za abrazu Łukašenki.
50‑hadovaha palitviaźnia Vadzima Zdaraviennava 29 vieraśnia asudzili pa novaj kryminalnaj spravie i pryznačyli čatyry hady i siem miesiacaŭ kałonii, a taksama štraf 500 bazavych vieličyniaŭ (22500 rubloŭ), piša «Viasna».
Palitviaźnia abvinavacili ŭ «dziejańniach, jakija hruba parušajuć hramadski paradak», «raspalvańni varožaści» i «niezakonnych dziejańniach u dačynieńni da infarmacyi ab pryvatnym žyćci i piersanalnych dadzienych». Viadoma, što sprava tyčycca kamientaryjaŭ i fotazdymkaŭ, jakija byli znojdzienyja paźniej u jahonym noŭtbuku.
Raniej mužčynu asudzili da dvuch hadoŭ kałonii za abrazu Łukašenki. Jon adbyvaŭ pakarańnie ŭ škłoŭskaj kałonii №17. Pieršy termin palitviaźnia musiŭ skončycca ŭ listapadzie hetaha hoda.