Litoŭcy z palakami pastavili śpiecyjalnyja varoty dla zakryćcia ad mihrantaŭ pamiežnaj raki
Na sutyku miežaŭ Litvy, Polščy i Biełarusi zavieršany budaŭničy prajekt, nakiravany na ŭzmacnieńnie achovy źniešniaj miažy ES. Pobač z pamiežnym znakam «Mara» na race Mara pastavili śpiecyjalnyja varoty, jakija apuskajucca ŭ vadu, piša litoŭskaja Słužba achovy dziaržaŭnaj miažy.
Fota: vsat.lrv.lt
Zbudavańnie znachodzicca ŭ Łaździejskim rajonie Litvy. Litoŭskija pamiežniki niaredka fiksujuć u hetym rajonie sproby hrup mihrantaŭ, jakija pryjšli z boku Biełarusi, pierasiačy miažu, a taksama ich pieramiaščeńnie ŭzdoŭž raki.
Novaja kanstrukcyja pavinna zabiaśpiečyć pamiežnikam bolš apieratyŭny dostup da stratehičnaha ŭčastka i dapamahčy bolš efiektyŭna spyniać niezakonnaje pierasiačeńnie miažy i inšyja parušeńni.
Z adnaho boku varoty niepasredna złučajucca ź fizičnym barjeram, ustalavanym na litoŭskim baku, a z druhoha — z anałahičnym barjeram, pabudavanym Polščaj. Takim čynam, ciapier niezakonnym mihrantam budzie značna składaniej vykarystoŭvać raku Maru dla pierasiačeńnia miažy ź Biełarusi ŭ bok ES.
Čytajcie taksama:
U Śvisłackim rajonie buduć sudzić troch čałaviek, jakija dapamahali nielehalnym mihrantam
Hałoŭny pamiežnik Łatvii: Tuneli na miažy dakładna kapali ź viedama biełaruskich słužbaŭ
Frontex: Tuneli mihrantaŭ na biełaruskaj miažy budujucca ź viedama i pry padtrymcy ŭładaŭ Biełarusi
Na miažy byŭ paranieny litoŭski pamiežnik, mihranty sprabavali zaciahnuć jaho ŭ Biełaruś