Rasijski dron udaryŭ pa škole ŭ Kijevie, kali pačynalisia zaniatki
Rasijski bieśpiłotnik ranicaj 1 kastryčnika trapiŭ u budynak škoły ŭ Sałamianskim rajonie Kijeva. Pačaŭsia pažar, ale dzieci ŭ momant udaru znachodzilisia ŭ schoviščy. Pavodle papiarednich źviestak, nichto ź ich nie paciarpieŭ.
Pra ŭdar paviedamiŭ mer Kijeva Vital Kličko.
«U Sałamianskim rajonie traplańnie bieśpiłotnika ŭ budynak škoły. Jość uzharańnie. Dzieci znachodzilisia ŭ schoviščy. Ekstrannyja słužby jeduć na miesca», — napisaŭ jon.
Pavodle papiaredniaj infarmacyi Kijeŭskaj haradskoj administracyi, siarod dziaciej paciarpiełych niama.
Udar adbyŭsia za niekalki chvilin da 9‑j ranicy, kali vučni ŭžo byli ŭ škole abo išli na zaniatki.
Jašče adzin rasijski bieśpiłotnik udaryŭ pa składskim budynku ŭ tym ža rajonie. Infarmacyja pra mahčymych paciarpiełych nieviadomaja.
29 vieraśnia rasijskaja kiravanaja avijabomba razburyła škołu ŭ Sumach, dzie zaniatki ŭ hety čas prachodzili ŭ schoviščy.