20‑hadovaha zabojcu ŭkrainskaj deputatki Iryny Faryjon asudzili na pažyćciovaje źniavoleńnie
«Pakul inšyja mitynhujuć i spakojna razychodziacca pa damach, ja moŭčki vastryŭ nož, kab zrabić toje, pra što maryli miljony», — pisaŭ Viačasłaŭ u svaim dziońniku.
Kałaž RBK-Ukraina
Siońnia Šaŭčenkaŭski rajonny sud Lvova vynies prysud Viačasłavu Zinčanku, jakoha abvinavačvali ŭ zabojstvie movaznaŭcy Iryny Faryjon. Sud pryznačyŭ 20‑hadovamu Zinčanku pažyćciovaje źniavoleńnie, paviedamlaje RBK-Ukraina.
Zinčanku abvinavačvali ŭ naŭmysnym zabojstvie z matyvaŭ nacyjanalnaj nieciarpimaści i ŭ niezakonnym abychodžańni sa zbrojaj. Sam jon svajoj viny nie pryznavaŭ.
Padčas abviaščeńnia prysudu kala budynka suda prachodziŭ mitynh za pažyćciovaje źniavoleńnie dla Zinčanki. Ludzi źbiralisia jašče da pačatku pasiadžeńnia i skandavali: «Zinčanku — pažyćciovaje», «Słava Faryjon», «Pažyćciovaje — zabojcu».
Jak zajaviŭ sudździa, vinu Zinčanki dakazali ŭ poŭnym abjomie.
Na pasiadžeńni taksama začytali jaho asabistyja zapisy, u jakich, pavodle danych śledstva, byŭ vykładzieny płan złačynstva i dalejšych uciokaŭ.
«Pakul inšyja mitynhujuć i spakojna razychodziacca pa damach, ja moŭčki vastryŭ nož, kab zrabić toje, pra što maryli miljony. Ja liču siabie sanitaram hramadstva, choć i dziejničaŭ z-za asabistaj niepryjaznaści. Ja zrabiŭ svoj vybar i pajdu da kanca, bo inakš straču pavahu da siabie», — adznačaŭ Zinčanka ŭ dziońniku.
Byłuju deputatku Viarchoŭnaj Rady ad partyi «Svaboda», viadomuju svaimi vykazvańniami Irynu Faryjon zabili 19 lipienia 2024 hoda. Padčas zamachu jana atrymała ciažkoje ranieńnie, paśla jakoha była dastaŭlena ŭ balnicu, dzie i pamierła praz try hadziny.
Praź niekalki dzion u Dniapry zatrymali padazravavanaha ŭ zabojstvie. Im akazaŭsia Viačasłaŭ Zinčanka, jamu tady było 18 hadoŭ.