BDMU ŭpieršyniu ŭklučyli ŭ suśvietny rejtynh univiersitetaŭ

U suśvietny rejtynh univiersitetaŭ Times Higher Education World University Rankings 2027 uvajšli dva biełaruskija ŭniviersitety — Biełaruski dziaržaŭny miedycynski ŭniviersitet (BDMU) i Biełaruski dziaržaŭny ŭniviersitet (BDU).

Zdymak ilustracyjny. Fota: BiełTA

Dla BDMU heta stała pieršym traplańniem mienavita ŭ asnoŭny suśvietny rejtynh Times Higher Education. Miedycynski ŭniviersitet apynuŭsia ŭ katehoryi 2001+, kudy ŭvachodziać ustanovy, jakija znachodziacca za miežami asnoŭnaj ranžyravanaj hrupy. U hetaj ža katehoryi pradstaŭleny BDU.

Rejtynh Times Higher Education za 2027 hod achoplivaje bolš za 2200 univiersitetaŭ sa 118 krain i terytoryj. Takim čynam, biełaruskija ŭniviersitety ŭvajšli ŭ asnoŭnuju mižnarodnuju tablicu, jakaja paraŭnoŭvaje vyšejšyja navučalnyja ŭstanovy z roznych krain śvietu.

Pieršaje miesca ŭ suśvietnym rejtynhu zaniaŭ brytanski Oksfardski ŭniviersitet. U pieršuju piaciorku taksama ŭvajšli Masačusiecki technałahičny instytut, Prynstanski ŭniviersitet i Stenfardski ŭniviersitet z ZŠA, a taksama Kiembrydžski ŭniviersitet ź Vialikabrytanii. Takim čynam, usie piać pieršych pazicyj sioleta zaniali ŭniviersitety tolki dźviuch krain — Vialikabrytanii i ZŠA.

Kamientary da artykuła