Biełaruskamoŭnaha vykładčyka Mieduniviersiteta asudzili za «sadziejničańnie ekstremizmu»
Alaksieju Sasnoŭskamu 32 hady, jon śpiecyjalizujecca na radyjacyjnaj miedycynie.
Mužčyna skončyŭ Biełaruski dziaržaŭny miedycynski ŭniviersitet u 2018 hodzie, u nastupnym abaraniŭ mahistarskuju dysiertacyju pa miedycynskich navukach. Paźniej jon praciahnuŭ navučańnie ŭ aśpirantury rodnaha ŭniviersiteta.
Z kanca 2022 hoda Sasnoŭski pracavaŭ asistentam na kafiedry radyjacyjnaj miedycyny i ekałohii BDMU, paśpieŭ stać aŭtaram 20 drukavanych prac i pisaŭ kandydackuju dysiertacyju pra radon u pavietry jak faktar radyjacyjnaj ryzyki dla zdaroŭja.
Paralelna mužčyna pracavaŭ repietytaram, rychtavaŭ školnikaŭ da CT i alimpijad pa chimii i bijałohii. Jahonaja staronka na prafiesijnym sajcie — na biełaruskaj movie, a za vykładańnie na biełaruskaj movie navat prapanoŭvaŭ vučniam śpiecyjalnuju źnižku 10%. Na Sasnoŭskaha niekalki dziasiatkaŭ vodhukaŭ — i ŭsie stanoŭčyja. A jaho vučni nabirali dobryja bały.
Niadaŭna mužčynu asudzili ŭ Minskim haradskim sudzie za «sadziejničańnie ekstremisckaj dziejnaści» (č. 1 art. 361‑4 KK). Prysud — chatniaja chimija, ale akaličnaści spravy nieviadomyja.
«Ekstremizmam» ułady Biełarusi ličać padpiski na niezaležnyja kanały, ŚMI, najaŭnaść spasyłak na ich u sacyjalnych sietkach ci najaŭnaść u sacsietkach abo na rečach biełaruskaj nacyjanalnaj, dałukašenkaŭskaj simvoliki. Da «ekstremizmu» zaličvajuć taksama praktyčna ŭsialakuju krytyku ŭładaŭ, aficyjnych histaryčnych naratyvaŭ ci prajavy salidarnaści z Ukrainaj. Šmatlikija kryminalnyja spravy apošniaha času pa artykule ab «sadziejničańni ekstremizmu» byli źviazanyja sa «spravaj Hajuna».
«Biełaruski Hajun» — manitorynhavy OSINT-prajekt, jaki byŭ stvorany ŭ 2022 hodzie, kali Rasija praź Biełaruś napała na Ukrainu. Prajekt adsočvaŭ vajennuju aktyŭnaść rasijskich i biełaruskich vojskaŭ, abapirajučysia na infarmacyju ad biełarusaŭ. Kaardynavała jaho dziejnaść hrupa aktyvistaŭ na čale z Antonam Matolkam.
«Sprava Hajuna» pačałasia paśla taho, jak siłaviki zatrymali aktyvistku, jakaja niekalki hadoŭ žyła ŭ Biełarusi ŭ padpolli. U jaje mabilniku znajšli spasyłku na dałučeńnie ŭ bot Hajuna, jakuju joj dasyłali ŭ samym pačatku isnavańnia prajekta. Fatalnaja pamyłka była ŭ tym, što spasyłka była biesterminovaja. A tamu siłaviki zmahli padklučycca da bota i vypampavać adtul usiu infarmacyju. Jany atrymali paviedamleńni akaŭntaŭ, jakija pisali ŭ bot, a taksama ichnija ID i imiony karystalnikaŭ.
Zasnavalnik «Hajuna» Anton Matolka adrazu paśla ŭzłomu patłumačyŭ, jak adbyŭsia vyciek infarmacyi i abviaściŭ pra zakryćcio prajekta.
«Naša Niva» — bastyjon biełaruščyny
PADTRYMAĆCiapier čytajuć
«Biełaruś pieradusim». Što viadoma pra 23‑hadovaha aficera śpiecnaza, jakoha asudzili na 19 hadoŭ za «zdradu dziaržavie»4
«Biełaruś pieradusim». Što viadoma pra 23‑hadovaha aficera śpiecnaza, jakoha asudzili na 19 hadoŭ za «zdradu dziaržavie»
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie5959
Kamientary