Lehalizavać samavolna zaniatuju ziamlu možna budzie ŭ rasterminoŭku
Urad zaćvierdziŭ paradak nadańnia rasterminoŭki apłaty za lehalizacyju samavolna zaniatych ziamielnych učastkaŭ. Adpaviednuju pastanovu padpisaŭ premjer-ministr Alaksandr Turčyn.
Zdymak ilustracyjny. Fota z sacsietak
Rasterminoŭku zmohuć atrymać ludzi, u dačynieńni da jakich razhladajecca pytańnie ab lehalizacyi samavolna zaniataha ziamielnaha ŭčastka. Dla hetaha nieabchodna padać zajavu ŭ miascovy vykanaŭčy kamitet. Jaje možna padać asobna ad zajavy ab nadańni samavolna zaniataha ŭčastka, ale zrabić heta treba da pryniaćcia rašeńnia ab jaho lehalizacyi.
Pry hetym častku apłaty za prava lehalizacyi nieabchodna budzie ŭnieści adrazu. Jaje pamier vyznačaje vykankam, ale jon nie moža być mienšym za 25% ad ahulnaj sumy apłaty za prava lehalizacyi.
Maksimalny termin rasterminoŭki składaje piać hadoŭ.
Vykankamy taksama mohuć vyznačyć minimalnuju sumu apłaty za lehalizacyju, pry jakoj rasterminoŭka nie dajecca. Akramia taho, u joj mohuć admović, kali ŭ padadzienych dakumientach buduć niedakładnyja źviestki abo kali čałaviek raniej nienaležnym čynam vykonvaŭ abaviazacielstvy pa apłacie ziamielnych učastkaŭ, atrymanych u rasterminoŭku.
Čytajcie taksama:
Kolki ŭ Biełarusi kaštuje lehalizacyja samavolna zaniataj ziamli
Važnyja źmieny ŭ zakonie ab nieruchomaści — jany tyčacca rehistracyi majomaści