Važnyja źmieny ŭ zakonie ab nieruchomaści — jany tyčacca rehistracyi majomaści
Pačynajučy z 11 červienia, u Biełarusi pačnuć dziejničać novyja praviły pry dziaržaŭnaj rehistracyi majomaści. Voś asnoŭnyja źmieny.
Biez terytaryjalnaj pryviazki i dystancyjna
Pa novym zakonie źnikaje pryviazka da miescaznachodžańnia abjekta nieruchomaści. Kali raniej zajavu ad rehistracyi treba było padavać stroha pa miescaznachodžańnia abjekta, to ciapier možna budzie źviarnucca ŭ luby ofis pa dziaržrehistracyi pa ŭsioj krainie.
Aproč hetaha dla zručnaści ŭvodzicca mahčymaść zaklučać damovy ź nieruchomaściu dystancyjna. Baki zmohuć źviartacca da roznych rehistrataraŭ pa miescy svajho žycharstva, a sam praces uzhadnieńnia i padpisańnia dakumientaŭ budzie ažyćciaŭlacca adnačasova praź videasuviaź.
Nataryus pieradaść dakumienty za vas
Ciapier pry zvarocie da nataryusa pa pytańniach rehistracyi abo ŭniasieńnia źmianieńniaŭ u Dziaržaŭny rehistr nieruchomaj majomaści hramadzianinu nie treba dadatkova naviedvać rehistracyjnyja orhany. Usie nieabchodnyja dakumienty nataryus pieradaść rehistrataru samastojna.
Nie treba paviedamlać pra źmieny proźvišča i nie tolki
Infarmacyju pra źmienu piersanalnych danych ułaśnikaŭ, źmienu adrasoŭ abjektaŭ nieruchomaści, identyfikacyjnych źviestak subjektaŭ haspadarańnia buduć unosić u Adziny dziaržaŭny rehistr nieruchomaj majomaści ŭ aŭtamatyčnym režymie.
Abaviazkovaść rehistracyi i novyja terminy
Zakanadaŭstva padkreślivaje abaviazkovaść dziaržaŭnaj rehistracyi nieruchomaj majomaści. Uvodzicca ahulny termin dla zvarotu pa lubuju rehistracyjnuju dziejnaść — paŭhoda z daty padpisańnia dakumienta, jaki staŭ padstavaj dla rehistracyi.
Akramia taho, da 1 studzienia 2028 hoda padaŭžajecca termin zvarotu pa lehalizacyi samavolna zaniatych ziamielnych učastkaŭ.
Ciapier čytajuć
Daradca prezidenta Polščy prakamientavaŭ zvarot Kaleśnikavaj i Zołatavaj: Łukašenka vypuskaje niekalki dziasiatkaŭ viaźniaŭ, a na nastupny dzień zatrymlivaje novych2323
Kamientary