Machlar prykidvaŭsia siłavikom i duryŭ adzinokich bahatych žančyn

U Homielskaj vobłaści zatrymali 44‑hadovaha nieadnarazova sudzimaha minčuka, jaki vydavaŭ siabie za supracoŭnika siłavych struktur, paviedamlaje pres-słužba MUS.

Skrynšot ź videa

Spačatku mužčyna pad vyhladam supracoŭnika siłavych struktur prapanavaŭ dapamahčy 42‑hadovaj dačce piensijaniera, u jakoha znajšli bojeprypasy i vybuchoŭku, paźbiehnuć pryciahnieńnia da kryminalnaj adkaznaści. Za heta jon schiliŭ žančynu da pieradačy chabaru.

Padčas dalejšych apieratyŭna-vyšukovych mierapryjemstvaŭ vyśvietliłasia, što heta byŭ tolki adzin z epizodaŭ jaho dziejnaści. Zvyčajna mužčyna šukaŭ na sajtach znajomstvaŭ i ŭ hramadskich miescach Minska adzinokich zabiaśpiečanych žančyn.

Jon uvachodziŭ u davier, pačynaŭ z žančynami blizkija adnosiny i pradstaŭlaŭsia vysokapastaŭlenym supracoŭnikam Ministerstva abarony. Kab stvaryć uražańnie sapraŭdnaha aficera, jon demanstravaŭ vajskovuju formu z pahonami, choć na samoj spravie nie mieŭ dačynieńnia ni da adnaho ź siłavych viedamstvaŭ.

Pad roznymi vydumanymi pryčynami mužčyna vymańvaŭ u žančyn značnyja sumy hrošaj. Niekatoryja paciarpiełyja addavali jamu svaje aščadžeńni, a taksama brali na siabie kredyty, kab pieradać jamu hrošy.

Na hety momant śledstva ŭstanaviła častku paciarpiełych. Ahulnaja suma naniesienaj im škody składaje kala 150 tysiač dalaraŭ. Raspačataja kryminalnaja sprava. 

Kamientary da artykuła