Fatohrafu, pa jakoha ŭ 2020‑m pryjazdžaŭ uzbrojeny AMAP, prysudzili kałoniju
Viktar Maśko byŭ udzielnikam pratesnych aŭtamaršaŭ u Minsku. Niadaŭna jaho asudzili pa kryminalnym artykule i kinuli za kraty.
Viktar Maśko. Fota ź jahonaj staronki Ukantakcie
Viktaru Maśko 41 hod, jon minčuk. Jon skončyŭ fakultet infarmacyjnych technałohij i kiravańnia BDUIR, adnak svoj prafiesijny šlach źviazaŭ nie ź IT, a z fatahrafijaj.
Padčas padziej 2020 hoda, pa materyjałach ŚMI, mužčyna ŭdzielničaŭ u aŭtamaršach. Atrymaŭ štraf — za toje, što adnoj rukoj kiravaŭ aŭtamabilem, a ŭ druhoj trymaŭ nacyjanalny ściah.
1 kastryčnika 2020 hoda ranicaj u baćkoŭskuju kvateru ź pieratrusam pryjšli supracoŭniki kryminalnaha vyšuku — u pastanovie było paznačana, što jany šukajuć vybuchoŭku i zbroju. Kab vyvieści fatohrafa z domu paśla pieratrusu, siłaviki śpiecyjalna vyklikali padmacavańnie ŭ vyhladzie ŭzbrojenych amapaŭcaŭ, paśla čaho Viktara zatrymali. Nieviadoma, što jamu prysudzili — aryšt ci štraf.
Ciapier ža danyja pra Viktara źjavilisia ŭ abnoŭlenych śpisach «terarystaŭ». Stała viadoma, što niadaŭna nad im adbyŭsia sud.
Maśko pryznali vinavatym pavodle artykuła 361 Kryminalnaha kodeksa. Pieraśled źviazany z tym, što siłaviki kvalifikujuć jak «zakliki da škody nacyjanalnaj biaśpiecy».
Fatohrafu prysudzili termin u kałonii.
Čytajcie taksama:
46‑hadovaha ajcišnika z Homiela asudzili pa piaci palityčnych artykułach
22‑hadovuju vypusknicu kaledža z Babrujska asudzili za «sadziejničańnie ekstremickaj dziejnaści»