46‑hadovaha ajcišnika z Homiela asudzili pa piaci palityčnych artykułach
Jaŭhien Bałtoŭski pracavaŭ kiraŭnikom kamandy inžynieraŭ u mižnarodnym prajekcie Mobalytics. Niadaŭna stała viadoma, što mužčynu schapili.
Jaŭhienu Bałtoŭskamu 46 hadoŭ. Jon z Homiela. U 2003‑m skončyŭ Biełaruski dziaržaŭny ŭniviersitet transpartu pa śpiecyjalnaści «elektronika na transparcie, mikrapracesary i pieradača sihnałaŭ».
U IT-śfiery Jaŭhien pracavaŭ bolš za dvaccać hadoŭ: karjeru jon pačynaŭ jašče ŭ 2005 hodzie raspracoŭščykam u IBA Group, paźniej supracoŭničaŭ z kampanijami XIM, colada ag i Appko (dzie zajmaŭsia prajektami dla Google). Z 2019 hoda pierajšoŭ u kampaniju Mobalytics — kibierspartyŭny analityčny servis, dzie ź lipienia 2021 hoda ŭznačalvaŭ DevOps-napramak.
Jaŭhien uvieś čas žyŭ i pracavaŭ u Homieli, zachaplaŭsia parusnymi łodkami i vioŭ zvyčajnaje žyćcio ajcišnika na addalency.
Apošniaja aktyŭnaść ź jaho akaŭnta była ŭ červieni 2025 hoda, paśla čaho mužčyna źnik — imavierna, nieŭzabavie jaho aryštavali.
Spravu razhladaŭ Homielski abłasny sud. Bałtoŭskaha pryznali vinavatym adrazu pa piaci artykułach Kryminalnaha kodeksa: raspalvańnie varožaści (č. 1 art. 130), udzieł u «ekstremisckim farmavańni» (č. 3 art. 361-1), «sadziejničańnie ekstremisckaj dziejnaści» (č. 1 i 2 art. 361-4), a taksama paklop i abraza Łukašenki (č. 1 i 2 art. 367, č. 1 art. 368).
Dakładny termin źniavoleńnia nieviadomy, ale Jaŭhienu, mierkavana, prysudzili kałoniju.
Masavyja palityčnyja represii ŭ krainie pačalisia paśla 2020 hoda. Tady Alaksandr Łukašenka prajhraŭ Śviatłanie Cichanoŭskaj, ale nie addaŭ joj ułady, a zmusiŭ jaje vyjechać za miažu. Adbylisia masavyja narodnyja pratesty suprać dyktatury i falsifikacyi vybaraŭ. Na heta ŭłady adkazali represijami.
Pavodle padlikaŭ abjadnańnia siłavikoŭ «Biełpoł» i pravaabaroncaŭ, viadomyja imiony jak minimum 10050 čałaviek, jakija padpali pad palityčna matyvavanyja kryminalnyja spravy. Usiaho tyja ci inšyja palityčnyja represii (kryminałki, administratyŭki, zvalnieńni, pieratrusy, vymušanaja emihracyja) zakranuli sotni tysiač biełarusaŭ.
«Ekstremizmam» ułady Biełarusi ličać patrabavańnie pravieści svabodnyja vybary z prazrystym padlikam hałasoŭ, a taksama praktyčna ŭsialakuju krytyku ŭładaŭ, prarasijskich histaryčnych naratyvaŭ, prajavy salidarnaści z Ukrainaj, antyvajennyja vystupy.
«Naša Niva» — bastyjon biełaruščyny
PADTRYMAĆ26‑hadovaha supracoŭnika elitnaha padraździaleńnia mytni asudzili na 16 hadoŭ pa nabory palitartykułaŭ. Siarod ich i «zdrada dziaržavie»
73‑hadovaha afhanca asudzili pa dźviuch palityčnych kryminałkach
U Homieli za palityku asudzili kiraŭnika abjadnańnia, jakoje šukaje pareštki achviaraŭ vajny i stalinskich represij, i jaho žonku-miedsiastru
Ciapier čytajuć
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy55
Kamientary
Ni čieriez mosty vsiech vidov, ni napriamuju čieriez tor.
Vyskkakivajet płaška.
Tolko čieriez dyriavyje vpn možno zajti.
Navierno, čtoby proŝie było krasavcam łukašienko vyčiślať niedovolnych i zarabatyvať priemii i kvartiry ?
Čtoby šli dalšie, pačkami, za 46 letnim prohrammistom ?
Red. Pa techničnych pryčynach. Pastarajemsia viarnuć dostup praź niekatory čas. Pryčyna patłumačanaja tut: https://dck8xvlq18iei.cloudfront.net/405851
[Zredahavana]