Sinoptyk raskazaŭ, jaki kastryčnik čakajecca sioleta ŭ Biełarusi
Sinoptyk Dźmitryj Rabaŭ raskazaŭ u efiry telekanała ANT, jakim, pavodle papiaredniaha prahnozu, budzie nadvorje ŭ Biełarusi ŭ kastryčniku 2026 hoda.
Zdymak ilustracyjny. Fota z sacyjalnych sietak
Pavodle danych suśvietnych prahnastyčnych centraŭ, miesiac moža akazacca krychu ciaplejšym za zvyčajny. Siaredniaja tempieratura čakajecca na 1—2 hradusy vyšejšaj za klimatyčnuju normu dla siaredziny biełaruskaj vosieni. Pry hetym tempieratury buduć adroźnivacca pa rehijonach: u siarednim ad +5 hradusaŭ na paŭnočnym uschodzie da +8 na paŭdniovym zachadzie krainy.
U siaredzinie kastryčnika mahčymy karotki pieryjad babinaha leta — z soniečnym nadvorjem i adnosna ciopłymi dniami. Adnak doŭha jon nie pratrymajecca. Atłantyčnyja cykłony buduć prynosić pieramienlivaje nadvorje: ciopłyja i jasnyja dni buduć chutka źmianiacca pachmurnymi i daždžlivymi.
Soniečnych hadzin u kastryčniku prahnazujecca niašmat — ad 80 da 100 za ŭvieś miesiac.
Kolkaść apadkaŭ, pavodle prahnozu, budzie blizkaj da normy. U siarednim čakajecca ad 11 da 16 dzion z daždžom.
U treciaj dekadzie kastryčnika nadvorje stanie bolš vosieńskim: pačnucca źmiešanyja apadki — doždž budzie čarhavacca z mokrym śnieham. U asobnyja dni mahčymyja słabyja hałalodnyja źjavy. Takim čynam, da kanca miesiaca ŭ Biełarusi ŭžo moža adčuvalna pachaładnieć i źjavicca pieršy śnieh.
Čytajcie taksama:
Zamiest antycykłona Arno u Biełaruś pryjdzie antycykłon Borchert