U centr Minska viernucca dva papularnyja aŭtobusnyja maršruty
U Minsku ŭ centr horada viernuć dva papularnyja aŭtobusnyja maršruty — № 65 i № 74s, paviedamiła DP «Staličny transpart i suviaź».
Z paniadziełka, 5 kastryčnika 2026 hoda, adnaŭlajecca ruch aŭtobusa № 74s «DS «Malinaŭka-4» — Haradski Vał» pa raniejšym maršrucie da kančatkovaha prypynku «Haradski Vał». Pry hetym zachavajecca chutkasny režym ruchu.
Z 7 kastryčnika maršrut № 65 taksama budzie padoŭžany da kančatkovaha prypynku «Haradski Vał».
Rašeńnie adnavić raniejšuju schiemu ruchu pryniali paśla vyprabavańnia skaročanaha maršrutu i analizu pasažyrapatokaŭ.
Pra skaračeńnie maršrutaŭ hetych aŭtobusaŭ stała viadoma 21 vieraśnia, i heta vyklikała niezadavalnieńnie šmatlikich minčukoŭ.
Čytajcie taksama:
U Minsku źmieniacca maršruty niekatorych aŭtobusaŭ
U «Minsktransie» raskazali, čamu ŭ Minsku aŭtobusy i tralejbusy spaźniajucca i źnikajuć z maršrutaŭ
U Minsku źjaviŭsia tajamničy tralejbus, dla prajezdu ŭ jakim patrebnyja dva tałončyki