U Hiermanii ŭščent pjany małady biełarus-biaspraŭnik źbiŭ matacyklista i ŭciok
2,5 pramile ałkaholu — heta surjozna.
U niadzielu, 4 kastryčnika, kala 17:40 na darozie L1162 pamiž Bartałame i Hojbacham u fiederalnaj ziamli Baden-Viurtembierh (Hiermanija) adbyłasia avaryja, u jakoj ciažka paciarpieŭ matacyklist. Pra heta paviedamlaje niamieckaja palicyja.
Pavodle palicyi, 25‑hadovy biełarus na BMW jechaŭ u bok Hojbacha i chacieŭ abahnać 21‑hadovaha matacyklista, ale ŭrezaŭsia ŭ jaho. Matacyklist na Triumph źjechaŭ z darohi, upaŭ i atrymaŭ ciažkija traŭmy.
Biełarus nie spyniŭsia i ŭciok ź miesca zdareńnia.
Palicyja znajšła jaho dziakujučy paviedamleńniu śviedki: mužčynu zatrymali niedaloka ad jaho doma. Test pakazaŭ u jaho kala 2,5 pramile ałkaholu. Vyśvietliłasia taksama, što pravoŭ kiroŭcy ŭ jaho niama.
Chutkaja dapamoha adviezła ciažka traŭmavanaha matacyklista ŭ balnicu. Škodu ad avaryi palicyja aceńvaje prykładna ŭ 15 tysiač jeŭra.