Biełaruskaja futbolnaja fiederacyja paskardziłasia na chiejt Łukašenki padčas matča zbornaj u Finlandyi
Asacyjacyja «Biełaruskaja fiederacyja futboła» paviedamiła, što paśla praviadzieńnia pieršych troch matčaŭ Lihi nacyj UEFA siezona 2026/2027 kiraŭnictva fiederacyi vyrašyła nakiravać aficyjny zvarot u Sajuz jeŭrapiejskich futbolnych asacyjacyj.
Zvarot tyčycca arhanizacyi vyjaznoha matča pamiž zbornymi Finlandyi i Biełarusi. ABFF vykazała zaniepakojenaść šeraham pytańniaŭ, źviazanych z umovami praviadzieńnia sustrečy, za jakija adkazvaje Futbolnaja asacyjacyja Finlandyi.
Biełaruskaja fiederacyja futboła padkreślivaje, što prytrymlivajecca patrabavańniaŭ rehłamientu UEFA i nastojvaje na strohim vykanańni ŭsich pratakolnych i arhanizacyjnych normaŭ, jakija pavinny zabiaśpiečvać roŭnyja ŭmovy dla ŭsich udzielnikaŭ turniru.
Možna mierkavać, što futbolnyja čynoŭniki ź Biełarusi adreahavali tak najpierš na vialiki banier z nadpisam Sun päiväs koittaa, što možna pierakłaści ź finskaj movy jak «Tvoj dzień nadydzie». Na im karykaturnaha Łukašenku chapaje z kipciury vialikaja palarnaja sava.
Akramia taho, abureńnie ABFF mahło vyklikać toje, što zbornaja Finlandyi raźminałasia ŭ majkach «My vystupajem za mir». Taksama na trybunach zaŭvažyli adrazu niekalki ŭkrainskich ściahoŭ, a na fan-siektary finaŭ — i bieł-čyrvona-bieły.
Čytajcie taksama:
Biełarusy zhulali sa zbornaj Finlandyi ŭničyju
U pieršym matčy Lihi nacyj UEFA biełarusy prajhrali Ałbanii
Zbornaja Biełarusi atrymała pieršuju pieramohu ŭ sioletniaj Lizie nacyj. I adrazu razhromnuju