Pieršy aficyjny matč Viktara Hančarenki na čale zbornaj Biełarusi akazaŭsia niaŭdałym. Hulniu 1‑ha tura ŭ Lizie C, jakaja prajšła na stadyjonie «Ejr Ałbanija» ŭ Tyranie, ź likam 2:0 upeŭniena vyjhrali haspadary.
Ałbancy adkryli lik na 34‑j chvilinie. Paŭabaronca Kryścijan Asłani paśla fołu Arcioma Kancavoha realizavaŭ pienalci. A ŭžo ŭ kampiensavany da pieršaha tajma čas, na 45+ 2‑j chvilinie, napadajučy Ernest Mučy zabiŭ druhi hoł Ałbanii.
Hety matč staŭ pieršaj aficyjnaj hulnioj Viktara Hančarenki na pasadzie hałoŭnaha treniera zbornaj Biełarusi. Da hetaha kamanda pad jaho kiraŭnictvam praviała čatyry tavaryskija matčy, u jakich atrymała try pieramohi i adzin raz zhulała ŭničyju.
Uvohule ž heta ŭžo čaćviortaja zapar paraza Biełarusi ad Ałbanii ŭ aficyjnych matčach. Apošni raz biełarusy pieramahali hetaha supiernika ŭ 2010 hodzie ŭ adbory na Jeŭra-2012 (2:0).
U druhim tury, jaki adbudziecca 29 vieraśnia, Ałbanija zhulaje z San-Maryna, a Biełaruś sustreniecca ź Finlandyjaj. Siońnia ž finy razhramili san-maryncaŭ na ich poli ź likam 0:7.
Padpałkoŭnika z fakulteta vajskovaj raźviedki sudziać za «zdradu dziaržavie» pa spravie, jakaja vyhladaje palityčnaj. Što pra jaho viadoma?6
Kamientary
Niemahčyma vyjhrać, kali 2 razy trapili u bramu. Ale z San-Maryna pazmahajucca za vychad z hrupy ŭ nižejšy dyvizijon.