U Minsku pabudujuć novyja puciepravody i razhruziać Partyzanski praśpiekt
U Minsku ŭ najbližejšyja hady płanujuć pabudavać niekalki novych puciepravodaŭ i daroh, jakija pavinny palepšyć transpartnyja suviazi pamiž rajonami stalicy i źmienšyć nahruzku na asobnyja mahistrali, paviedamlaje pres-słužba Minharvykankama.
Zdymak ilustracyjny. Fota: Wikimedia Commons
Jak paviedamiŭ na apieratyŭnaj naradzie ŭ Minharvykankamie dyrektar UP «Minskinžprajekt» Alaksiej Havorka, ciapier budujecca puciepravod ad vulicy Kaleśnikava da vulicy Cimirazieva. Akramia taho, zavułak Kaleśnikava praciahnuć da Minskaj kalcavoj aŭtamabilnaj darohi, a na vulicy Cimirazieva ŭžo pačałasia rekanstrukcyja.
Taksama pravodziacca pieradprajektnyja raspracoŭki budaŭnictva puciepravoda pamiž vulicami Siarova i Špileŭskaha. Jon pavinien złučyć Kastryčnicki i Leninski rajony Minska. Padrychtavać prajektnuju dakumientacyju płanujuć u nastupnym hodzie, a budaŭnictva pačać u 2027—2028 hadach.
Jašče adzin prajekt praduhledžvaje budaŭnictva darohi ad vulicy Śvisłackaj da vulicy Sialickaha. Novy ŭčastak stvoryć dadatkovy vyjezd da Svabodnaj ekanamičnaj zony «Minsk» i ŭ rajon vulicy Sialickaha, a taksama pavinien pryniać na siabie častku transpartnaj płyni z Partyzanskaha praśpiekta. Prajektnuju dakumientacyju dla hetaha abjekta płanujuć padrychtavać da kanca 2026 hoda.
Pa słovach Alaksieja Havorki, novyja i rekanstrujavanyja abjekty inžynierna-transpartnaj infrastruktury stvarajucca dla taho, kab zrabić pieramiaščeńnie pa stalicy bolš zručnym dla žycharoŭ i haściej Minska.
Čytajcie taksama:
U Minsku źbirajucca ŭźvieści niekalki mastoŭ
Most na «Ždanovičach» užo asfaltujuć. Što adbyvajecca na budoŭli?