Most na «Ždanovičach» užo asfaltujuć. Što adbyvajecca na budoŭli?
Uźviadzieńnie puciepravoda nad čyhunkaj i častkaj terytoryi handlovaha horada «Ždanovičy» praciahvajecca z pačatkam vosieni. Jon pavinien złučyć vulicy Kaleśnikava i Cimirazieva, a jaho daŭžynia składzie 380 mietraŭ.
Vierasień dla budaŭnikoŭ mosta, jaki złučyć vulicy Kaleśnikava i Cimirazieva, — čas napružanaj pracy. Abjekt, jakoha ź nieciarpieńniem čakajuć žychary bližejšych rajonaŭ i nasielenych punktaŭ, nabyvaje ŭsio bolš vyraznyja abrysy, piša pristalica.by.
Na budaŭničaj placoŭcy štodnia zadziejničana kala dvuchsot čałaviek. Pracy nie spyniajucca navat unačy. Dobraŭparadkavańnie i prakładka inžyniernych sietak na prylehłych terytoryjach viaducca va ŭzmocnienym režymie — usio dla taho, kab jak maha chutčej zdać abjekt u ekspłuatacyju.
U siaredzinie vieraśnia budaŭniki prystupili da ŭładkavańnia padjezdaŭ da puciepravoda z kožnaha boku i pačali asfaltavańnie padjaznych učastkaŭ.
Daŭžynia puciepravoda składzie kala 380 mietraŭ, a šyrynia — ad 41 da 47 mietraŭ.
Hetaje zbudavańnie ŭvojdzie ŭ piaciorku samych doŭhich u Minsku. Šlachapravod zabiaśpiečyć zručny vyjezd u bok MKAD, Ždanovičaŭ i Zasłaŭja, a taksama dazvolić razhruzić ad zatoraŭ prylehłyja mahistrali i asobnyja ŭčastki kalcavoj darohi.
U najbližejšyja miesiacy płanujecca vykanać mantaž usich pralotnych zbudavańniaŭ. Paśla hetaha budaŭniki piarojduć da ich amanaličvańnia. A voś afarboŭku i dobraŭparadkavańnie vykanajuć užo ŭ nastupnym hodzie, kali nadvorje budzie bolš spryjalnym.
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ9
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1919
Kamientary
Čynoŭniki daŭno tak nie rapartujuć, jak miascovyja zahałoŭki.