Polšča pierakidvaje na miažu z Ukrainaj vojski, tanki i sistemy Patriot
Padraździaleńni adpraŭlenyja ŭ Lublinski rehijon.
Fota: Czarek Sokolowski / AP
Polšča płanuje ŭzmacnić miažu z Ukrainaj, nakiravaŭšy ŭ pamiežny Lublinski rehijon novyja vajskovyja častki, a taksama tanki Abrams i sistemy Patriot. Jak piša wiadomosci.onet.pl, pra heta zajaviŭ ministr nacyjanalnaj abarony Polščy Uładzisłaŭ Kasiniak-Kamyš.
«Niekalki tydniaŭ tamu ja pryniaŭ rašeńnie ab razhortvańni batarej Patriot u Lublinskim rehijonie. Ja maju namier naviedać raźmieščanych tut vajskoŭcaŭ, jakija zabiaśpiečvajuć abaronu rehijona. Heta pieršy vypadak razhortvańnia batarej Patriot u rajonie Lublina», — zajaviŭ jon.
Taksama, pavodle słoŭ ministra, było pryniata rašeńnie ab pašyreńni padraździaleńniaŭ Uzbrojenych sił Polščy.
U pryvatnaści, budzie sfarmavana novaja miechanizavanaja bryhada, a taksama raźmieščanaja bryhada bieśpiłotnych sistem, bataljon i dadatkovaje padraździaleńnie SPA ź sistemaj Patriot.