Miesi zaviaršyŭ karjeru ŭ zbornaj Arhienciny
I zrabiŭ heta hodna. Hoł i dva halavyja pasy.
Fota: Marcelo Endelli/Getty Images
39‑hadovy zorny arhiencinski forvard pravioŭ svoj raźvitalny matč za nacyjanalnuju kamandu. Heta adbyłosia ŭ tavaryskim matčy ź Bieninam, jaki prajšoŭ siońnia nočču pa biełaruskim časie ŭ Buenas-Ajresie na stadyjonie «Manumiental Antonia Viespučy Libierci».
Arhiencina razhramiła spabornika ź likam 3:0, a Miesi zabiŭ hoł i addaŭ dźvie halavyja pieradačy.
Miesi debiutavaŭ za kamandu Arhienciny ŭ žniŭni 2005 hoda ŭ tavaryskim matčy ź Vienhryjaj (2:1) u žniŭni 2005 hoda. Jon vyjšaŭ na pole na zamienu i praz paru chvilin byŭ vydaleny, kali spabornik schapiŭ jaho za futbołku. Lijaniel admachnuŭsia ad jaho, začapiŭšy za horła.
Usiaho na jaho rachunku 126 hałoŭ i 70 vynikovych pieradač u 208 matčach za arhiencinskuju zbornuju. U jaje składzie jon vyjhraŭ čempijanat śvietu 2022 hoda, dva Kubki Amieryki (2021, 2024).
Usiaho ŭ Miesi, uličvajučy hulni za «Barsiełonu», PSŽ i «Inter Majami», 932 hały. Jon praciahvaje hulać za «Inter Majami».