Kučynski sustreŭsia sa śpiecpasłańnikami pa Biełarusi
Pra što viałosia na sustrečy?
Fota: pres-słužba Śviatłany Cichanoŭskaj
Dyrektar vilenskaha Ofisa Śviatłany Cichanoŭskaj Dzianis Kučynski pravioŭ sustreču sa śpiecyjalnymi pasłańnikami i pradstaŭnikami krain Paŭnočna-Bałtyjskaj vaśmiorki (NB8), jakija prybyli ŭ Vilniu z admysłovym vizitam dla kansultacyj ź biełaruskimi demakratyčnymi siłami i partniorami, jakija bazujucca ŭ Litvie, paviedamlaje pres-słužba demakratyčnaj lidarki.
Siarod tem sustrečy była tema palitźniavolenych.
Dzianis Kučynski padziakavaŭ Litvie za pryjom i padtrymku vyzvalenych palitviaźniaŭ i biełarusaŭ, jakija znachodziacca ŭ krainie. Na sustrečy abmierkavali stanovišča palitviaźniaŭ i padtrymku tych, chto vychodzić na volu.
Byli taksama abmierkavanyja padtrymka biełarusaŭ za miažoj, rehijanalnaja biaśpieka i pytańnie Mižnarodnaha humanitarny fondu.
Usie pradstaŭlenyja na sustrečy krainy ŭžo dałučylisia da pracy Fondu. Havorka išła i pra dalejšaje finansavańnie: dla šerahu krain nastupnyja ŭnioski stanuć druhimi, a dla niekatorych — užo trecimi.
«Dla nas vielmi važna, što krainy praciahvajuć pracavać z demakratyčnymi siłami praź instytut śpiecyjalnych pasłańnikaŭ. Hety farmat dazvalaje padtrymlivać pastajanny dyjałoh i kaardynavać supolnyja dziejańni. Pakul u Biełarusi praciahvajucca represii i za kratami zastajucca palitviaźni, asabliva važna zachoŭvać adzinuju i skaardynavanuju pazicyju i padtrymku biełarusaŭ», — prakamientavaŭ Dzianis Kučynski.