Stała viadoma, kali adkryjecca muziejny kvartał u Minsku
Muziejny kvartał u Minsku płanujuć adkryć dla naviedvalnikaŭ u 2028 hodzie. U novym muziejnym kompleksie buduć uličanyja sučasnyja standarty inkluziŭnaści, kab prastora była zručnaj u tym liku dla ludziej z abmiežavanymi mahčymaściami, piša ahienctva «Minsk-Naviny».
Fota: «Minsk-Naviny»
Jak paviedamiła hienieralnaja dyrektarka Nacyjanalnaha mastackaha muzieja Iryna Maciaš, dziakujučy madernizacyi hałoŭny mastacki muziej krainy atrymaje dadatkovyja vystavačnyja płoščy, lekcyjnuju zału i novyja fondaschoviščy.
Pašyreńnie muzieja stała nieabchodnym u tym liku praz chutki rost jaho kalekcyi. Tolki za apošni hod muziejnyja fondy papoŭnilisia 5600 tvorami biełaruskaha mastactva. Ciapier ahulnaja kolkaść ekspanataŭ u kalekcyi pieravyšaje 40 tysiač.
Iryna Maciaš adznačyła, što ŭ abnoŭlenaj prastory buduć stvoranyja ŭmovy, jakija adpaviadajuć sučasnym patrabavańniam inkluziŭnaści. Pavodle jaje słoŭ, raźličvajuć, što muziejny kvartał stanie kulturnym centram, dzie žychary Minska i hości stalicy zmohuć kamfortna pravodzić ceły dzień.
Čytajcie taksama:
Hałoŭny korpus Nacyjanalnaha mastackaha muzieja Biełarusi płanujuć zakryć na rekanstrukcyju
U centry Minska źjavicca ceły muziejny kvartał
Jakija histaryčnyja abjekty ŭ Minsku adrestaŭrujuć u nastupnyja hady