U čaćvier buduć kiepska pracavać bankaŭskija kartki

Unačy 8 kastryčnika ŭ Biełarusi mahčymyja časovyja prablemy z raźlikami bankaŭskimi kartkami. Bankaŭski pracesinhavy centr zapłanavaŭ na hety čas praviadzieńnie technałahičnych rabot.

Zdymak ilustracyjny. Fota: Lookby.media

Jak paviedamili ŭ «Bielinviestbanku» sa spasyłkaj na Bankaŭski pracesinhavy centr, z poŭnačy da 6:00 mohuć uźnikać ciažkaści z praviadzieńniem anłajn-płaciažoŭ u internecie.

Z 2:00 da 2:30 mahčymyja prablemy z pryviazkaj novych kartak u dadatku «Biełkart Pay», apłataj pakupak z dapamohaj smartfona praz «Biełkart Pay» u handlovych i servisnych arhanizacyjach, a taksama z atrymańniem najaŭnych hrošaj u adpaviednych punktach, infakijoskach i bankamatach.

Akramia taho, z 3:00 da 3:20 moža być niedastupny servis farmiravańnia i adpraŭki adnarazovych parolaŭ 3‑D Secure pry praviadzieńni apieracyj z kartkami «Biełkart». U hety ž čas mahčymyja prablemy z pracaj servisu Belkart Prime.

U Bankaŭskim pracesinhavym centry prynieśli prabačeńni ŭładalnikam kartak za mahčymyja časovyja niazručnaści.

Kamientary da artykuła