QR-kod u aŭtobusie nie pracavaŭ, a kanduktarka vyhnała pasažyraŭ, jakija nie mieli najaŭnych. Ci maje jana racyju?
Incydent adbyŭsia ŭ adnym z haradskich aŭtobusaŭ Słucka. Pasažyry sutyknulisia z prablemaj pry apłacie prajezdu praz QR-kod, prytym tranzakcyja nie prachodziła ni ŭ kaho. Kanduktarka paviedamiła, što ŭ hety dzień apłata takim sposabam nie pracuje, i paprasiła pasažyraŭ zapłacić najaŭnymi. Tych, u kaho hrošaj z saboj nie było, pavodle vidavočcaŭ, jana ŭ hrubaj formie zapatrabavała pakinuć aŭtobus, paviedamiła «Minskaja praŭda».
Paźniej stała viadoma, što ŭ toj ža dzień padobnyja prablemy ź bieznajaŭnaj apłataj naziralisia i ŭ Minsku.
U aŭtobusnym parku № 2 Słucka patłumačyli, što QR-kody źviazanyja z płaciežnymi sistemami, u adnoj ź jakich pieryjadyčna adbyvajucca techničnyja zboi i pravodziacca servisnyja raboty. Pieravozčyk śćviardžaje, što jon nie moža ŭpłyvać na pracu bankaŭskaj sistemy.
U toj ža čas pradstaŭniki aŭtaparka adznačyli, što pasažyr u lubym vypadku abaviazany apłacić prajezd. Kali QR-kod nie pracuje, treba skarystacca inšym sposabam apłaty, naprykład najaŭnymi. Tamu pasažyram paraili mieć pry sabie hrošy.
U aŭtaparku taksama paraŭnali situacyju z kuplaj tavaru ŭ kramie: kali bankaŭskaja karta abo płaciežny terminał nie pracujuć, tavar biez apłaty kupcu nie daduć. Pieravozčyk zajaviŭ, što prajezd źjaŭlajecca takoj ža pasłuhaj, za jakuju nieabchodna zapłacić.
Asobna pradstaŭnik aŭtaparka patłumačyŭ dziejańni kanduktarki. Pavodle jaho słoŭ, kali kantralory zafiksujuć bieźbiletnaha pasažyra, adkaznaść mohuć uskłaści ŭ tym liku i na kanduktarku, a štraf dla jaje moža być značnym. Tamu ŭ aŭtaparku ličać, što jaje dziejańni možna zrazumieć.
Pavodle pastanovy Savieta Ministraŭ Biełarusi ad 31 sakavika 2026 hoda № 147, pasažyr abaviazany svoječasova nabyć prajazny dakumient i całkam apłacić prajezd. Apłata moža rabicca ŭ kiroŭcy, u kasie abo inšych vyznačanych miescach da pačatku pajezdki, a pry najaŭnaści kanduktara — u jaho da nastupnaha prypynačnaha punkta maršrutu.
Takim čynam, abaviazak apłacić prajezd zastajecca za pasažyram navat u vypadku techničnaha zboju bankaŭskaj sistemy.
Ciapier čytajuć
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»17
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie4545
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie45
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ1010
Kamientary