Minski taksist raspracavaŭ chitruju schiemu, pa jakoj amal zadarma zavałodaŭ 12‑ciu aŭtamabilami

U Frunzienskaje RUUS Minska źviarnuŭsia pradstaŭnik staličnaj kampanii, jakaja zajmajecca prodažam aŭtamabilaŭ z prabieham. Padčas revizii ŭ firmie vyjavili bujnuju niedastaču — kala 180 tysiač rubloŭ.

Zdymak ilustracyjny. Fota: David Zalubowski / AP

Pa padazreńni ŭ ździajśnieńni złačynstva zatrymali 25‑hadovaha minčuka, jaki pracavaŭ taksistam. Jak vyśvietlili siłaviki, raniej mužčyna zajmaŭsia pieraprodažam aŭtamabilaŭ i dobra viedaŭ paradak ich kupli i prodažu. Akramia taho, u kampanii pracavaŭ jahony znajomy, ad jakoha jon atrymlivaŭ infarmacyju pra ŭnutranuju pracu firmy.

Pa materyjałach śledstva, minčanin pačaŭ nabyvać u hetaj kampanii aŭtamabili z prabieham, afarmlajučy damovy na svaich byłych klijentaŭ i vykarystoŭvajučy kopii ich dakumientaŭ. Paśla atrymańnia rachunku jon pieraličvaŭ tolki častku nieabchodnaj sumy, a zatym z dapamohaj hrafičnaha redaktara źmianiaŭ danyja ŭ płaciežnaj kvitancyi, paznačajučy ŭ joj poŭny košt aŭtamabila.

Padroblenuju kvitancyju mužčyna vystaŭlaŭ supracoŭnikam kampanii, paśla čaho zabiraŭ mašynu. Takim sposabam jon atrymaŭ 12 aŭtamabilaŭ, jakija paźniej pradavaŭ praź śpiecyjalizavanuju internet-placoŭku.

Kab siłaviki nie zmahli vyjści na jaho śled, pry raźmiaščeńni abjaŭ mužčyna vykarystoŭvaŭ SIM-karty, jakija paśla źniščaŭ.

Zatrymany raskazaŭ, što hrošy, atrymanyja ad prodažu aŭtamabilaŭ, jon traciŭ na pahašeńnie daŭhoŭ i nabyćcio novych mašyn.

Pa fakcie zdareńnia zaviali kryminalnuju spravu pa artykule ab machlarstvie ŭ asabliva bujnym pamiery.

Kamientary da artykuła