U Biełarusi stali vypuskać šakaładny chleb
U Salihorsku chlebazavod «Vodar chleba» pačaŭ vypuskać niezvyčajnuju navinku — šakaładny chleb. Pradukt užo źjaviŭsia ŭ kramach, piša miascovaje vydańnie «Šachcior».
Fota: «Šachcior»
Ad zvyčajnaha chleba novaja vypiečka adroźnivajecca tym, što ŭ jaje skład dadajuć cukar i kakava-parašok. Pa sutnaści, heta chutčej sałodki desiert, čym zvyčajny chleb da asnoŭnych straŭ.
Žurnalisty, jakija pasprabavali navinku, adznačyli, što jana ŭ mieru sałodkaja, nie kryšycca, maje davoli ščylnuju i adnačasova vilhotnuju strukturu. Na smak šakaładny chleb bolš nahadvaje vielikodnuju bułku abo piernik. Jaho rajać jeści z harbataj, kavaj ci prosta jak samastojny łasunak.
Pradajecca šakaładny chleb užo narezanym. Termin jaho zachoŭvańnia składaje šeść sutak.
Čytajcie taksama:
U Kamianieckim rajonie žančyna znajšła žalaziaku ŭ miascovym chlebie
Blinčyki z šakaładam, pielmieni i nie tolki. Čym kormiać školnikaŭ u novym navučalnym hodzie
«Niachaj za zachoŭvańnie praduktaŭ płaciać kramy». Biełarusy raskazali, na čym i jak aščadžajuć
Ahrakambinat «Dziaržynski» atrymaŭ jašče try pradpryjemstvy na Viciebščynie