U Minsku źniasuć kvartał małapaviarchovikaŭ
Heta budzie zroblena va ŭschodniaj častcy Kastryčnickaha rajona stalicy.
Ilustracyjnaje fota Jandeks-karty
U Minsku ŭ miežach vulic Siarova, Žłobinskaj i Lubanskaj źniasuć adno– i dvuchpaviarchovyja damy. Na vyzvalenaj terytoryi vyraście novy kvartał šmatpaviarchovych damoŭ, pišuć Minsk-naviny.
Pavodle słoŭ kiraŭnika administracyi Kastryčnickaha rajona Eduarda Tamilčyka, małyja damy ŭ hetym kvartale sastareli, tamu było pryniata rašeńnie ab ich znosie. Da demantažu pieršych dvuchpaviarchovikaŭ na vulicy Siarova prystupili jašče ŭ 2024 hodzie.
Ciapier tam zaviaršajecca budaŭnictva žyłoha doma, akt uvodu ŭ ekspłuatacyju padpišuć na praciahu niekalkich tydniaŭ. Prajekt susiedniaha doma znachodzicca na ekśpiertyzie — jaho płanujuć zakłaści ŭ pačatku 2027 hoda i ŭvieści ŭ ekspłuatacyju ŭ pačatku 2028-ha.
Toje ž adbudziecca i na vulicach Lubanskaj, Pirahova i Puchavickaj — tam užo zaprajektavanyja dva žyłyja damy. Jašče try šmatpaviarchoviki pabudujuć na vulicy Žłobinskaj — budaŭničyja raboty na hetym učastku pačnucca ŭ 2028 hodzie.