Mikoła Dziadok napisaŭ knihu pra technałohii ŭcisku hramadzianskaj supolnaści
U vydaviectvie «Kamunikat» pabačyła śviet kniha «Technałohii kontrrevalucyi» aŭtarstva Mikoły Dziadka, padzialiŭsia ŭ sacsietkach navinoj były palitviazień, piša bellit.info.
Pieršyja prezientacyi knihi adbuducca 24 kastryčnika ŭ Biełastoku, 25‑ha ŭ Varšavie, a 7 listapada ŭ Bremienie.
«U hetaj knizie ja pastaraŭsia, nakolki moh roznabakova, razhladzieć usio mietady, srodki i padychody, jakimi aŭtarytarnaja dziaržava raspraŭlajecca z hramadzianskaj supolnaściu, pratestam i samaarhanizacyjaj. U adnajmiennym ese ja katałahizavaŭ i daŭ prykłady litaralna pa ŭsich elemientach hetaj razburalnaj pracy: ad katavańniaŭ da miedyjnych skandałaŭ. Ad adzinočnych kamier da raspaŭsiudu čutak. Bo va ŭsich u ich adna meta — zachavańnie kantrolu», — tłumačyć aŭtar.
Kniha napisanaja na styku publicystyki i akademičnych daśledavańniaŭ. Mnohaje z taho, što vykładziena, Mikoła Dziadok nikoli i nidzie nie kazaŭ raniej.