Vydaŭca Jarasłava Ivaniuka, biełarusa z Padlašša, abviaścili ŭ vyšuk
Uradženca Biełastoččyny šukajuć minskija siłaviki.
U rasijskuju bazu vyšuku dadali vydaŭca, zasnavalnika internet-biblijateki «Kamunikat» Jarasłava Ivaniuka.
Jarasłaŭ Ivaniuk 26 hadoŭ tamu zasnavaŭ biełaruskuju internet-biblijateku «Kamunikat», dzie źmieščany niekalki tysiač biełaruskich knih, haziet i časopisaŭ.
Paśla padziej 2020 hoda Ivaniuk zasnavaŭ vydaviectva «Kamunikat», u jakim za šeść hadoŭ vyjšła kala sotni biełaruskich knižak.
Uradženiec Bielska-Padlaskaha ŭsio žyćcio pražyŭ na Biełastoččynie.
U sakaviku hetaha hoda KDB pryznaŭ «ekstremisckim farmavańniem» kaalicyju drukavanych vydaviectvaŭ «Fond Kamunikat.org», Lohvinau Publishing House, Andrei Yanushkevich Publishing. Napraŭdu takoj kaalicyi nie isnuje, heta absalutna sfabrykavanaja orhanami arhanizacyja.
U vyšuk byli abvieščanyja Ihar Łohvinaŭ i Andrej Januškievič.