U Branskaj vobłaści ad udaru bieśpiłotnika paciarpieła biełaruska. Joj amputavali kancaviny
Hramadzianka Biełarusi atrymała ciažkija ranieńni ŭ vyniku ataki bieśpiłotnika na hruzavy aŭtamabil ź biełaruskimi rehistracyjnymi numarami, jakaja adbyłasia 8 kastryčnika ŭ Branskaj vobłaści Rasii. Pra heta paviedamiŭ pres-sakratar MZS Biełarusi Rusłan Varankoŭ.
Zdymak ilustracyjny
Paciarpiełaj spatrebiłasia chirurhičnaja apieracyja, padčas jakoj joj amputavali kaniečnaści. Ciapier žančyna znachodzicca ŭ reanimacyi ŭ vielmi ciažkim, ale stabilizavanym stanie i padklučanaja da aparata štučnaj vientylacyi lohkich. Miedycynskaja dapamoha joj akazvajecca ŭ poŭnym abjomie.
Rusłan Varankoŭ adznačyŭ, što padobnyja trahičnyja vypadki praciahvajucca.
Pavodle jaho słoŭ, MZS Biełarusi raniej papiaredžvała hramadzian pra pavyšanuju niebiaśpieku i rekamiendavała ŭstrymlivacca ad pajezdak u hety rehijon, adnak hetyja papiaredžańni nie byli naležnym čynam uličanyja.
Siońniašni incydent, na dumku viedamstva, paćviardžaje aktualnaść takoj rekamiendacyi.
Čytajcie taksama:
Praz pahrozu dronaŭ pierastaŭ chadzić aŭtobus z Navazybkava ŭ Homiel
Dźvie biełaruskija fury trapili pad udary dronaŭ na rasijskaj miažy. Adna całkam zhareła VIDEA